Fleire blir dømde til tvunge psykisk helsevern

Stadig fleire blir dømde til tvunge psykisk helsevern no enn før, ifølgje tal frå Statistisk sentralbyrå.

I 2020 vart 44 personar dømde til psykisk helsevern, det er over dobbelt så mange som i 2010, då 19 vart dømde.

Rettspsykiater Randi Rosenqvist meiner nedbygginga av psykisk helsevern gjer at fleire blir så sjuke at dei gjer noko kriminelt.

– Personar som blir dømde til tvungent psykisk helsevern, har ofte gått sjuke veldig lenge og får først behandling når dei blir dømde til det, seier ho til P4.

I 2020 fekk 33 av dei dømde dommen på grunn av vald og mishandling.

(©NPK)

Over dobbelt så mange blei dømde til tvunge psykisk helsevern i 2020 samanlikna med 2010, ifølgje Statistisk sentralbyrå. Her frå opphaldsrommet i bygget for Psykisk helsevern ved Lovisenberg sjukehus. Foto: Terje Pedersen / NTB / NPK