Kurs og konferanser

Polyfon-konferansen 2026

Dette lærer du om

Polyfon-konferansen er ein årleg møteplass for inspirasjon, kunnskapsformidling, erfaringsdeling, dialog og diskusjon. 

Vi inviterer både brukarar, praktikarar, studentar, forskarar, politikarar og leiarar til ein open og tverrfagleg dialog om korleis musikk kan vere ein ressurs i kvardag og klinikk.

Konferansen er tverrfagleg og inneheld plenumssesjonar, plakatpresentasjonar (posterutstilling) og parallellsesjonar. Bidraga byggjer på forsking, praksiserfaring og/eller brukarerfaring. Musikkinnslag høyrer sjølvsagt også med! 

Tema for konferansen i år: Musikkterapilandet?

Temaet speler på tittelen til rapporten Musikklandet, ei offentleg utgreiing med anbefalinger om framtidas musikkpolitikk og med tydelege forslag til tiltak for oppskalering av norsk musikkterapi (NOU 2025: 7 (ekstern lenke)).

Korleis ser det norske «musikkterapilandet» ut i dag, i lys av lokale og nasjonale moglegheiter og utfordringar? Bidrar musikkterapi til fellesskap og kulturell beredskap? Gjer musikkterapi ein forskjell i møte med helseutfordringane i samfunnet? I kva grad speglar norsk musikkterapi mangfaldet i landet vårt?

• 11. november: Konsert i samarbeid med GAMUT og Gjenklang
• 12. november: Felles konferansedag med spennande plenumsprogram og mange parallelle foredrag
• 13. november: Seminardag der ulike fagfelt og nettverk møtest parallelt for påfyll og erfaringsutveksling

 

Følg lenkene nedanfor for å sjå programmet for dei ulike arrangementa.

• torsdag

  12. Nov

  Kl:  09:30 - 16:00

  Sted:  Høgskulen på Vestlandet, Campus Kronstad. Adresse: Inndalsveien 28, Bergen.

  
• Arrangør
  Polyfon
• Målgrupper
  brukarar, praktikarar, studentar, forskarar, politikarar og leiarar