Etter filmstudiar i Lillehammer, fekk Torleiv ein tøff periode, som han ikkje er så stolt av i dag. Men han møtte hjelparar, som geleida han inn i plassar der han trengst, i heimkommunen Vinje i Vest-Telemark.
– Tja, seier Torleiv Berdal, når NAPHA spør om kva han gjer om dagane.
– Eg er frilansar i lokalavisa Vest-Telemark blad, og så er eg på KVITO tre dagar i veka. Arbeidet går mest ut på fakturering til KVITO-kundar, samt arbeid på vaskeriet til KVITO. Eg køyrer også ut varer frå vaskeriet til kundar innimellom.
KVITO er eit arbeidsmarkedstiltak organisert som et interkommunalt AS for Telemarkskommunene Vinje, Tokke, Kviteseid og Nissedal. Arbeidsmarkedstiltaket samarbeidar nært med dei psykiske helsetenestane i kommunane.
Det høyrer med til historia at Torleiv var ein aktiv oldboys-spelar på det lokale fotballaget i fleire år, samt at han er bidragsytar på den årlege pilegrimsvandringa, «Å Vandre med håp» som dei psykiske helsetenestene i Tokke, Vinje, Nissedal, Kviteseid, Fyresdal, Seljord, DPS i Seljord, KVITO og prostidiakonen i Vest-Telemark samarbeider om.
Hold av datoen og meld deg på!
– Det er tre haustdagar over fjellet, med overnatting på ei turisthytte. Målet er Røldal stavkyrkje, og vi går frå Haukeli, fortel Elin Erikstein, som er med og organiserer vandringa. Ho er fagleg leiar for psykisk helse og rus i Tokke kommune i Vest-Telemark. Dei fire kommunane Tokke, Vinje, Kviteseid og Nissedal driv mykje interkommunalt samarbeid, både innan helse, arbeidsmarknadsarbeid og på andre felt.
– Pilegrimsfølget består av brukarar av psykisk helse og rus-tenestene i kommunane i Vest-Telemark, KVITO, DPS Seljord og andre som blir invitert med. Prostidiakonen i Vest- Telemark organiserer.
Mer om arbeid og psykisk helse på napha.no:
– Det er mest irriterande, smilar Erikstein.
– Men Torleiv er ein av dei aller sprekaste i heile følget, til trass for at det ser ut til at han går mykje på røyk og cola.
I turisthytta hender det at han viser filmar til pilegrimsfølget på kveldane.
Torleiv smiler og fortel at lokalavisjobben starta med at han fekk ei eiga filmspalte i Vest- Telemark blad.
– Eg hadde den spalta i tre år, skreiv både om nye filmar på kino, Netflix og fjernsyn, samt om eldre filmar.
På studiet skreiv han masteroppgåve om førehaldet mellom film noir og detektivserien Beck, som gjekk på NRK på 1990-talet.
Avisa var godt fornøgd med han og spurte om han kunne levere ein artikkel om pilegrimsvandringa. Noko han gjorde.
– Den artikkelen endra mykje, seier Torleiv.
– Etter dette fekk eg tilbod om å bli fast frilansar for avisa, ein jobb eg har vore i sidan. Eg likar best å gjere portrettintervju, samt å skrive om lokalfotball.
Han vart sjuk, med diagnose psykotisk paranoid, idet han var i siste fase på filmstudiane.
– Eg vart innlagd, og vart utskrive etter sju, åtte månader. Etter dette flytta eg heim til Vinje, og kom inn i eit system der Nav prøvde å skaffe meg jobb. Noko som ikkje var så lett, og eg fekk etter kvart uføretrygd. Noko som potensielt kunne vorte eit svært inaktivt liv.
Han beskriv livet no som godt.
– Eg har vel aldri hatt det betre, og er svært takksam for den tilrettelagde tilsettinga og hjelpa eg har fått gjennom KVITO. Den gongen eg var sjuk, gjekk eg rundt og krangla med alle eg møtte. Eg var nervøs for korleis heimbygda ville møte meg, når eg skulle flytte tilbake, eg var jo ikkje akkurat stolt av den oppførselen eg hadde hatt.
– Men eg vart godt motteke. I avisa har eg kollegaer, eg kan stikke innom og ete lunsj, og er ein av gjengen. Det same på KVITO. Det er godt for meg å kjenne på at eg, som mange andre her i kommunen, er ein støttespelar, som bidreg til å halde lokalsamfunnet i Vinje oppe.
Sjekk ut metodene og de operative rutinene som Skar-prosjektet, et samarbeid mellom Den Norske Turistforening (DNT) og Oslo kommune bydel...
– Psykiske helsetjenester i kommuner kan tjene mye på å spille på lag med frivillige organisasjoner, sier Hege Eika Frey
– Å samarbeide med Den norske Turistforening (DNT) var gull verdt for oss!
– Friskliv Ung har fått meg i mye bedre fysisk form. Det er mye mer glede i livet nå, flere relasjoner og lyse dager.
